Nuk na duhen lojtarë, e kemi Ronaldinhon

Mbrojtësi i Milanit, Gianluca Zambrotta, ndjen se klubi nuk ka nevojë të investojë në tregun e transferimeve për arsye se e ka Ronaldinhon.
“Ronaldinho është shumë i rëndësishëm dhe është fundamentale që ai të punojë mirë dhe të na ndihmojë t’i fitojmë ndeshjet. Ai gjithashtu mund të luajë si ‘trekuartist’ pasi që ai ka cilësi”.

“Nuk mendoj se duhet të blejmë si Milan që jemi, pasi që edhe kështu jemi mjaft kompetitivë”.

“Mendoj se Interi është ende ekipi më i fortë këtej pari për momentin, por së bashku me Romën dhe Juventusin, ne do të jemi kokë me kokë në luftë me ata”, sqaroi Zambrotta.